Astruptunet var målaren og grafikaren Nikolai Astrup (1880 - 1928) sin heim dei siste 14 åra han levde, og du finn det slik det var då Astrup budde der. Løa blei riven og bygd opp att til eit galleri, men med same utsjånad som den gamle løa. Galleriet inneheld faste utstillingar av Astrupkunst som måleri, grafikk, tresnittplater og skisser. Dei aller fleste motiva hans er henta frå Jølster, og Nikolai Astrup er i ettertid blitt ståande som ein av dei mest norske av dei nasjonale kunstnarane våre.